EXTRA-MILE

Maoy naandan kanunay sa mga Lupon member nga in-charge sa kaso nga magpahigayon ug Extra-Mile alang sa Respondent o Complainant nga wala moapil sa ilang schedule nga hearing. Ang pakyas sa pagtambong sa hearing sa litigants maoy naghagit sa mga lupon nga mobisita sa ilang mga panimalay aron siguradohon nga maka-apil na sa hearing ang mi-absent na nga partido.

Pinaagi niini nga strategy masiguro nga ang Respondent o Complainant present gayod sa sunod nga hearing ug dinhi dako ang tsansa nga maresolba ang ilang panagbangi.

Matinud-anon ang mga lupon sa Barangay City Heights sa ilang mga commitment nga mahatagan ug igong hustisya ang mga partido. Maoy panglantaw sa mga lupon nga makab-ot ang Amicable Settlement sa nagkabanging partido. Busa bisan sa unsa man nga sitwasyon, bisan pa man sa kakapoy ug paggahin sa daghang mga oras ug bisan pa man sa kalayo sa gipuy-an sa mga partido, moadto ang mga lupon aron lamang mapaabot sa tagtungod ang mensahe sa pagserbisyo.

kini ang pipila ka sa mga kinaiya sa mga lupon sa City Heights nga dili kabayran bisan sa unsa kadako nga kantidad tungod kay aduna silay gugma sa pagserbisyo sa katawhan pinaagi sa pagtabang sa mga partido sa kaso nga maresolba ang ilang mga problema nga gikabangi-an.

Lupon Rexcel Neri, Arsenio Oftana ug Nicanor Panaguiton sa ilang pagbisita sa panimalay sa Respondent. Ilang gisaysay kung unsay mga posibling mahitabo kung padayon ang maong respondent sa pag-absent sa hearing nga pwedeng dili maresolba ang ilang mga problema.